6:47 ص
major
و ما هو الفرق مابين المحاسبة المالية و المحاسبة الادارية
( المحاسبة الماليه تعتمد على بيانات تاريخيه ياعني هتعمل قيود وترحل قيود وميزان مراجعة وحسابات ختامية وغيرها من اللي بنقوم بيها كمحاسبين الأن . دي بتخدم مستخدمين خارج الشركة بتاعتك تتعامل مع بنوك ومقرضين
المحاسبة الإداريه تعتمد على بيانات مخططه بيانات مقدره وبيانات فعلية ومقارنتها وتستخدم البيانات التاريخيه كاسترشاد ياعني بيانات موجوده فعليا ً قام بها المحاسب المالي قبل كدة وسيادتك بتاخدها وتقارنها بنتايج تانية وتتخذ قرار
هي بمثابة نظام معلومات يخدم الإدارة بصفة أساسيه في إتخاذ قراراتها بل وترشيد تلك القرارات تقوم على خدمة أقسام المنشأه المختلفه . بعكس طبعا ً
ميزة المحاسبة الادارية :
- هتساعدك في الاختيار الصحيح ما بين البدائل ودراسة بعض القرارات مثل قرار التصنيع أو الشراء وقرار التأجير التمويلي أم الشراء بالقسط أم الشراء الكاش وكذلك قرارات إضافة طاقة جديده .. ودا طبعا ً مش هتلاقيه في شركات نونو او متوسطة فهتلاقي بالطبع ميزة تانية بالتبعية وهي إنها هتنقلك من شركة متوسطة الي شركات كبيرة .. وع فكرة الشركات الأجنبية والشركات الكبيرة سواء في مصر أو خارجها بتحتاج المحاسب اللي حاصل علي الزمالة لسبب بسيط جدا جدا
لانها دراسة مهنية .. وليست أكاديمية ( بتاعت الكلية حشو كتب ) .. فحتي لو مش عندك خبرة ومع الزمالة بالطبع هتكون مؤهل مهنيا ً وهتوفر عليك 10 سنوات خبرة ( 10 سنوات دي من موقع IMA ) بالإضافة إلي زيادة المعرفة العلمية في مجالات متعددة (الإدارة والمحاسبة المالية ومحاسبة التكاليف والاقتصاد والتمويل، ... الخ)
وهتحس بالفرق مع إجتيازك أول جزء وثقة أكبر تدفك إلي المزيد
دي كانت مقدمة بسيطة عن المحاسبة المالية والإدارية ودور المحاسبة الإدارية في الشركات ..
دور المحاسب الادارى فى الشركة
إتخاذ قرار ما أو حتى مساعدة الإدارة في إتخاذ قرار ما مثل التوسع أو قرارات الشراء أو الصنع أو قرار إضافة طاقة جديده أو غلق أحد الأقسام ياعني قرارات إدارية ..
جمع البيانات الماليه وغير الماليه
تبويب تلك البيانات وتلخيصها
إعداد التقارير الماليه التقديريه مثل قائمة الدخل المخططه أو التقديريه أو الميزانيه التقديريه وكذلك قائمة التدفقات النقدية المقدره
إعداد القوائم الفتريه
التصنيف : اسئلة عن cma
0 التعليقات:
إرسال تعليق